زي النهارده من سنين .

زي النهارده من سنين
كنتي معايا في دنيتي
زي النهارده من سنين
كان جوه قلبي فرحتي
وجيتلك بسرعه من بعيد
 خافيه ورايا هديتي
بصتلي عنيكي بالحنين
 ونطقلي قلبك دقلي
قالي ياحلوه خافيه أيه
سيبك ده انتي ضحكتي
قلت قولي عاوزه أيه
 شاوري ياستي أأمري
*
قالت لي نفسي أشوفك يوم كبيره
والترحه أعلى جبهتك
وبقيت أحلم من يوميها
امتى احقق رغبتك
وعدت سنين وراها سنين
وجت نهايه دنيتك
ولما صرت في يوم كبيره
قلت ياريت تكوني حاسه بيا
قلت ليه يا عمر ماجيتش بدري
كنتي يا فرحه تبقي ليا
زي النهارده من سنين
كنتي معايا في دنيتي
زي النهارده من سنين
كان جوه قلبي فرحتي
*
وعدت سنين وراها سنين
 و وصلت قلب محطتي
وجات لي بنتي من بعيد
خافيا وراها هديتي
قلتلها سيبك خافيه أيه
ده أنتي يا حلوه ضحكتي
ولما قالت لي عاوزه أيه
 شاوري يا ستي أأمري
قلت نفسي اشوفك يوم كبيره
 والترحه أعلى جبهتك
بس يا رب أكون يوميها
 لسه مش بره دنيتك ،،،
–*–
وتمضي الأعوام تتعاقب وتتعاقب بها الأماني …
ربما لن تتكرر الأحداث … ولكن الأحلام مكرره ،،،
–*–
جنى

2 تعليق في “زي النهارده من سنين .”



  1. jana

    تشرفت بمرورك

    تشرفت بمرورك سمير …

    الحقيقة الكلام ده كلامي … طبعاً واكيد لو كان منقول او مقتبس كنت حقول كده في بداية أو نهاية الموضوع ،،،

    سعدت بمرورك … دمنا على تواصل ،،،

    “جنى”


  2. samirali

    زى النهاردة

    الكلمات ديةى كلماتك انتى ولا مقتبسة


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *