انا انسان جدا جدا عادي
لاني اجمع اسهم ولا حتى طوابع
من المسجد وان بعدت لنادي
ويوم سمعت نصيحة جاري وله طايع
قال اركض ترى الأسهم في العالي
تشتري اليوم بريال وبعشرة بايع
خلى الطمع في دمي جاري
بعت الموتر وماأملك حتى جوالي
ومن تكسي لتكسي اوصف له الشارع
وادخل الشاشة اسد والله موداري
مشمر وعيوني مولعه تقول مصارع
وتلقاني في البنك اكثر من جلسة عيالي
وفجأة شبح احمر استمر خلاني ضايع
لا سيارة حتى ماأملك قيمة بخاري
واصبحت انسان مفلس داير بالشوارع صايع
رحت لشاشة اسبوع اول وثاني ثالث ورابع
لون الأحمر ما تبدل ولا هو ناوي
كان جنبي واحدا هامور دقات قلبة تتراقع
ويحاول يتماسك ويدعي انه ما يعاني
سألته وهو يدعي انة فاهم والحقيقة انة بارع
قال خذ وصفة تعالج من الي انت منة تعاني
نصحني بنظارة خضرا يقول انها تخفف مواجع
وفي الأخر في الطوارئ من القلب اعاني
ويوم صحيت لقيت جهاز القلب اخضر نازل ورافع
قلت مبروك السهم اليوم صار في العالي
لو ادري من الحبوب كان من زمان لها بالع
قال لي الدكتور انت مجنون او صاحي
انت في المصحة مش في البنك .قمت اطالع
وش جابني وش سويت وكوبة النصيحة من جاري
كنت رايق من مسجدي لبيتي وعمري ما نمت جايع
حلفت بالله اني انسى ولا عايدها ثاني
ومسجدي ابرك لا خسارة والربح مضمون لا احمر والع
تلقاة اخضر وصدق من قال هذا راس مالي
رضا الخالق وراحة بال وعمري ما انام جايع