الحقران .

آه من الحقران يا سالم 
والزعل والصد والشوح 
و آه من محبوبي الظالم 
اللي زعل ومعذب الروح 
مالكني والله العالم 
من عناياالقلب مجروح 
ليتني من حبها سالم 
كان ما عـددت وأنوح 
حالتي تصعب ع الظالم 
من عـذاباتك يامملوح 
أسمك اللي بشفتي عايم 
وبدلالك سـاكن الروح 
سدك بصدري أنادايم 
وأكتمه للغير ما أبوح 
وأن سألني عاذل ولايم
قال وش بك دايم تنوح 
بالونن تأرق النايم 
والفرح ضـوت به سطوح 
قلت له عن الفرح صايم
خلني في حــزني وروح 
خلني في حبها هايم
في الخلا وبرور وسوح 
يا جميل الوجه والقايم 
والشعر مسدول منشوح 
يوم غيري بالسعد غانم 
وأنا في آهات مطروح 
لين تغفرستي الهانم 
اللي عيهاالقول منضوح 
أقطم أطراف الحسف نادم 
لين أسمع منها مسموح
—*—
العقيدي

اترك تعليقاً

لن يتم نشر عنوان بريدك الإلكتروني.