سهرة قهوة وخمرة.

(1)
بمجلس :
ليل …
قهوة مبهره بهيل …
سواليف … حَطٍ و شيل …
علوم رجالٍ و نجم سهيل …
رجالٍ يحبون بعضهم حيل …
هات خبرني …
أخبار (النياق) و (الخيل) …
و عسا جاكم قريبٍ (سيل) …
يقصر الليل …
صلاة فجر … حُبٍ و طُهر .
(2)
بمجلسٍ ثاني :
ليل …
سهره و خمره …
سواليف … شيله و حُمره …
دخان ما ينطفي جمره …
جلسة رخوم … وتزيد هموم …
تطول سهره …وتكبر السكره …
كاسٍ ورا كاس … كانوا هنا ناس.
(3)
نص الليل :
شف يا صاحبي !!…
تقدر تسهر هنا … تقدر تسهر هناك …
الخير تلقاه هنا … الشر تلقاه هناك .
(4)
بكل المجالس :
راح أمس … أشرقت شمس …
الكل ناموا …
لكن !! …
من غضب عليه ربه ؟ …
ومن بالخير زان دربه ؟ …
جاوب …
وشف يا صاحبي الفرق ؟.