اذا تبي تضحك تفضل|من كل بحر قطرة|منتديات إبحار بلا مركب|إبحار بلا مركب

بما أن الفتره الحاليه كئيبه شوي بسبب قرب الاختبارات
كتبت كم نكته عشان الواحد يفرفش و يرفع معنوياته
مع العلم بأنهن قديمات مررررره… مررررره….
يعني لا تشاوف بالوناسه…بعدين لحد يتميلح يا عازف الليلmad:
و يقول لي قاريهن من قبل do: (اذا كنت ريحا فقد لاقيت اعصارا)
انا كتبتهن مع انهن قديمات لأنهن يعتمدن
على أسلوب الالقاء(وش رايكم بالتصريفه) 😉

*عجوز طلعت من محو الأميه ليه؟ خافت من تعيين القرى.
*حرامي دنيء طب على عجوز بالشتا ما لقى شي عنده
شغل المكيف و طلع.
*واحد نام متأخر …………فاته الحلم
*دجاجه انتحرت و كاتبه رساله تقول فيها(خلوا ماجي تنفعكم)
*غبي اشترى فراش نام بدري عشان يجربه
*ديك مدمن مخدرات لما جا يصيح قال(كوكائين)
*قرويين اشتروا كوكاكولا يحسبونه زيت الحبه السوداء
*قروي مواعد وحده قالت اذا جيت و شفت النور والع و الباب
مفتوح ادخل….جا القروي و لقى النور والع و الباب مصكوك
طق الباب طلع أبوها وقال(وش تبي) قال الحوطي(فيه أحد
داق بيجر)
*قروي يسوق ليموزين ركب معه و قاله له(الله يخليك نادي الشباب)
قال القروي(و انت مالك لسان تناديهم)
*قروي و زوجته على البحر و كانت تفكر زوجها على باله انها
رومنسيه سألها( وش تفكرين فيه يا حياتي) قالت لو البحر مرق
وش بيكفيه من القرصان
*عجوز راحت تعزي ناس………ماتت عندهم
*واحد اتصل على مصري و كان غلطان في الرقم سأل المصري
(هذا بنك الراجحي) قال المصري (يا ريت)
*قرويين سمعوا عن الزلزال راحوا يطعمون
*واحد تزوج قرويه قال لها وين تبين شهر العسل قالت(و الله
يمدحون اليورومارشيه)
*خكري زوجته في غرفة الولاده تولد و هو جالس يبكي
و يقول( أنا السبب أنا السبب)
*الشاهي يقول للسكر يا حلو قال له السكر يا مذوبني
*واحد سأل قروي كم الساعه قا له و أنا شاريها لك
*بخيلين يلعبون مونوبولي و لا واحد اشترى
*قرويين كانوا يطوفون بالحرم يوم سمعوا الأذان صاروا يسألون
( ما فيه مسجد قريب)
*خكري شاف كليجا قعد ينغزه بعود و يقول
يا ربييي.. طلعي رجولك
*قروي دخل الملعب و صار يسلم على الجمهور
*قمله تسأل قمله لو عندك فلوس وش تسوين قالت اشتري
خروف و أعيش فيه
*واحد محشش مسافر وقف عند محطه و سأل اللي في
البقاله(عندك لبن) قال له لأ بعد 50كيلو وقف عند بقاله
ثانيه و قال (و لا حليب)
*عنز متمدده على البحر ليه؟ ……………ميته
*خكري يبي يشتري قرصان قال ما عندكم خبز شفاف
*هندي يحب وحده تزوج صديقتها
*هندي راح استريو يبي شريط طلال(لا تقول)
قال (فيه شريط تلال…ما في كلام)
*قروي قالوا له ان الجزر يقوي النظر
اشترى جزر و قعد يناظره
*واحد يبي شنبه يطلع ضرب له بوري(هرن)
*واحد قال لقروي(اذا عرفت وش معي عطيتك منه سمكه)
قال القروي (بحر)
*واحد نص لفه تصور مع حمار حط سهم على
صورته و كتب (هذا أنا)

خلاص…..ضحكنا كتير
هناخد المنتدى كله ضحك و لا ايه

في البدايه أشكر موج البحرعلى مجاملتها و التي تنم
عن لطف طاغي و أدب رفيع…
و على فكره أنا عندي مجموعه كبيره من النكت
و كلهن جدد بقراطيسهن… بس للأسف مشفرهن…
تعرفين فيه نسبه من الأطفال(حسب تصنيف اليونيسيف)
ترتاد المنتديات ما أبي أذكر أسمائهم لأني عضو جديد
و أخاف يدبغوني(الكلام بيني وبيتك لحد يدري)

شكرا لقرائتك و لك تحياتي…..
____________________

أخوي الفيصل (أجل يمدحون اليورومارشيه…)
معنى كلامك ان الأمور موليه(يعني هذا أزين الشين)
و شكلك ضحكت عليهن مو منهن
لكن مو مشكله المهم تضحك…
و الحين أحتري رجعتك بكم نكته
عشان أقول بحل ياليورومارشيه….
___________________

و الحين دور مييييين….قولوا لي يا حلويييين
يمكن زينة أو يمكن صلاح الدييييين….
و بما ان صلاح الدين نامت عينه
فأنا أتوقع دور أختنا زينة
همممم….
يعني أنا مغبر….المشكله اني سابح اليوم
والا كان صدقتك……
يالله….حنؤول ايه…دنا طيب و على نياتي
بعدين يا أختي في الله أنا قلت ببدايه كلامي
(انهن يعتمدن على الأسلووووووب و طريقة
الالقاااااااء) يعني تم عن تم بيفرأ(بيفرق)
و النكته الي قلتيها لخوك أنا مستعد
أخليه يصيح cryu; من الضحك قبل ما أقولها له….
لا و أزيدك من الشعر شأه(شقه)ع النيل….
بخليه يفقد الذاكره eek: من الضحك اذا سمعها
و عشانه أخوك….
بخليه يغني الأطلال على لحن بابا فين pp;
و قولوا ما قال الكوكب الأحمر….

حلوووووة
و هذي أول مره أسمعه(أقراه)
تسلم لنا
يا هندسه
يا كبير(باللهجه المصريه)

__________________

غادة و عذب الحروف
أنا الذي أشكركم على مشاركتي
الابتسامة و تأكدوا
أن سعادتي من سعادتكم
و أتمنى أن الابتسامة رسمت
حقا على شفاهكم
لأن فيه ناس يمارسون
الارهاب الفكري ضدي,
طلع من تمهم غبرة…
و أهديهم بدوري أبيات الشابي التي
نقلتها الأخت غادة….

و أقـول للـقـدر الذي لا ينثني عن حـــرب آمــــالـــي بـكـل بــــــــلاء
لا يطفىء اللهب المؤجــج في دمـي مـــوج الأسى و عواصف الأرزاء
اني أنــــــا النــاي الذي لا تنتهي أنغامه ما داااااااام في الأحيــــــاء
و أنــــــــا الخضم الرحب ليس يزيده الا حيـــــــاة سطوة الأنـــــــــواء

ختاما ننتظر من عذب الحروف ما وعدتنا به
(…..و لكن لي رجعه مع قصائد أخرى لأبي القاسم الشابي)

و الله يا خوي الفيصل
ما أقدر أقولهن…و أبيك تعذرن
لأن فيه رظعان معنا…أخاف أقولهن
بعدين نبلش… تشوف كل واحد جايبن أبوه
و الا أمه و يقولون من الي علم ولدنا هالهرج
لا و تلقاه يدخن و يحطونه بنا يبي يقولون أنتم
الي معلمينه التتن…و اقعد به عاد….
فعشان تسذا(كذا) انا أقترح تسوي منتدى جديد
للعزاب بس و نكتب لوحه ممنوع اصطحاب
الأطفال و ممنوع دخول المغاتير(مثل عرس المتمدنين)
عشان نرتاح منهم و نهيص…..
و الأهم نقهر بعض ناس……