المقدمه : جروح كثيره ولا هناك من ملجأ غير الام
اعذريني يمه
أذا انكسرت بيوم
واذا شفتي صورتي
تهتز قدامك وطعون الغدر بظهري سهوم
وأذا بكيت من حرقه
وجرح بيدوم طول العمر دوم
يمه اذا جيتك
وجروحي تراكم
ودموعي جفت وحرقت خدي سموم
يمه أحظنيني
وعنهم أبعديني
يمه أخاف الاوان يفوت
وأتصارع مع الموت
يمه
لاتخليني شجعني
ماأبي أمانيج فيني تنصدم
واللي بنيتيه ينهدم
يمه يمه مالي غيرك
لا يغرك دموعي
ولا طعوني وجروحي
تراني مثل ماتبين
يمه انا بنتك وكل اللي تحلمين
مهما يسوي الزمن فيني
ومهما الجروح فعلت فيني
ترى عند وعدي
لأرفع بأسمي
وأرفع بصوتي لحقي ولنفسي
خلاص زمن الصمت راح وجاء دوري وحسي
يمه
لأشيلك فوق رأسي
وأدور العالم وأقول أمي أمي
لو يغطى الكون كله ظلام
بلقى في ظلالج عيشتي ودربي
يمه لو يشوفوني
الناس حطام
أبي أكون بعيونك سهام
توجهيها للي يشكك بفعلي
ويقول اللي يقول
يمه لو بين أيدك أموت
لاتدمعين
ولا تذرفين
دموعك ماتهون
أنا أهون ألف مره ولا تهون
ولو يقولون ان شعري ظلام وسوالف ليل وأوهام
قولي لهم يمه
يمه ترى مانظمت القصايد
ولا سويت الحكي في كلامي قلايد
خلهم يقولوا وماعليك المهم انتي
يمه انا ما أدري شقول
انا يمه يمه يمه
ماعندي حكي أقوله
انا الحين يمه أدور لنفسي مكان
أشفي نفسي من علتي ومن هذا الزمان
يمه دنيتي خانتني
وانت نصحتيني وقلتي
وانا مشيت بطريقك
وماسلمت زماني يخون
والقدر ضدي دايم يكون
يمه قلتي لي وقلتي
مو ذنبي اني أكون وافي وقلبي حنون
الذنب اني اخون وأخون وأخون
يمه أرفعي رأسك فيني
وقولي كلامك قولي
خلي العذول يموت
وبحرقته يزود
خليني في عيونك أكون واكون
يمه
مهما يكون أنكساري
ترى هو أنتصاري
يمه طعوني مهما تزيد
المهم أعيش بعيونك أعيش
لايغرك انهياري
ترى في داخلي بركان بعده ماأنطفى بيكون فيه أنتصاري
ماهمني العالم
ولا حكي الناس وسوالف هالهوانم
المهم انتي
وش تقولين
لو شفتي بيوم أنكساري
وكان فيه حطامي
ويمكن بلحظه يختفي حسي
وتنقتل أنفاسي
ويكون موتي
ونهايه حياتي
بس يمه ماعليك
لايغرك مماتي
ترى أفعالي
تحكي عني وعن سواتي
ترى الناس تحكي
ولو يطول الزمن تحكي
بتقول عني
ماتبين وما تتمنين وتحلمين
بكره العالم بيسمعني
والكل ينطرني
وشفتي اللي كان بيوم يقول
بيجي لحد عندي
ويعتذر ويتوسل وعن سواته يتوب
بس انا عندي وعدي
وبكون بطيب قلبي وبأسمي وبتربيتي وعقلي
يمه
رب الكون يغفر وأحنا البشر نطغي
لا ولا نغفر ندور الزله لناس
ونحرش بين ناس وناس
يمه بكون مثل ماقلتي لي
بسامح انا بسامح
يمه بسامح
لو يجرحوني العالم كله
بسامح
__________________________________
أتمنى اني ماطولت عليكم
واتمنى اني وصلت اللي أبي أقوله
تقبلوا تحياتي
عذب الجروف
عذب تحية و تقدير
قصيدة رائعة
ومن غير الأم تستحق كل هذا ؟
(( يمه
لاتخليني شجعني
ماأبي أمانيج فيني تنصدم
واللي بنيتيه ينهدم
يمه يمه مالي غيرك
لا يغرك دموعي
ولا طعوني وجروحي
تراني مثل ماتبين
يمه انا بنتك وكل اللي تحلمين ))
أيضاً
(( ويكون موتي
ونهايه حياتي
بس يمه ماعليك
لايغرك مماتي
ترى أفعالي
تحكي عني وعن سواتي ))
تحياتي لك عذب و الله يديم الوالدة لك و يديمك لها
شكرا يا الفيصل
التحيه والتقدير ليست لي بل للناس اللي أحق مني
أتمنى اني قد وفيت في الكلمات
ولكنها كانت بسيطه وكان المفروض اكتب أحسن من جذي
وهاذي كتابه صغيره
وكان المفروض تنكتب بأجمل بس هذا اللي أقدر
عليه وهاذي محاوله من محاولاتي اللي كتبتها عن الام
وأشكرك يالفيصل
تقبل تحياتي
عذب الحروف
سلمتي عذب ….. قصيدة مغرقة حواس ومشاعر …
وتستاهل الأم كل هذا وأكثر .. مهما قلنا ما راح نوفي حقها …
والأجمل عندما تكون العلاقة الصريحة بين الأم والأبنة قائمة .. يكون للكون شأن أخر …. والتفاهم في امر الأمومة شيء رائع …
سلمتي اختي عذب ..سرني قراءه نصك .. ولك تحياتي
بريماااااااوي
المرفق لك … uam:
415
10
1 Guest(s)