هالناس صاروا مجانين|إبحار قلم والقبطان حُلم|منتديات إبحار بلا مركب|إبحار بلا مركب

ليه ياحروفي تعانين

وأنتي لعذب الحروف تخاوين

ليه ياحروفي تتألمين ؟

وبجرح غيرج تنزفين

يالله ياحروفي اكتبي وأنزفي ماتخفين

أظهري أفراح قلبج لاتكتمين

ليه تشكين للنجمه

وتعانقين القمره وتسهرين

وأنتي قدرج عالي فوق الثريا تمشين

أنسي أحبابك واللي تحبين

مالقيتي منهم غير الجرح والأنين

وناظري أصحابك كيف مستغربين !!

أختفت الضحكه مني ياحروفي

وجراحي ماله أخر ليتج تفهمين

فرحتي عاذلين ومعاهم تضحكين

مايفرحون للفرح ويسعدون باللي أنجرح

الله على هالأدميين

غريب الوقت والا الزمن والله ماأحنا عارفين

والأ أنا من غير الزمان

وبي بأر الصدق والطيب ومنها ترتوين

ياحروفي يووم كتبتي للعشاق

أبسألك هو حقيقه والا تنزفين الأشواق

ياحروفي علميني هو أنتي تعشقين ؟

والا حلمك سراب وبه تحلمين

غريب هو انا عذب الحروف ؟

والا عذب الحروف كذبتني وليتك ياحروفي تصدقين ؟

علميني وهل انتي تعلمين ؟

ياحروفي هو الجنون مني

والا هالناس صاروا مجانين

عذب الحروف