لم يدخل البيت لأنه .....|إبحار قلم والقبطان حُلم|منتديات إبحار بلا مركب|إبحار بلا مركب

رد على قصيدة للأخ وافى لصورة طفل شريد :

يا يمه ليه الخلق
ليه تقسى
ونا لسه ، يادوب لسه
فى حجم النسمة مولودة
بتتعلم يادوب تزحف بأنفاسى
وبتْدوّر على الضحكة
دفا الأحضان
ما بين أهلى وبين ناسى
لقيتنى آه
أنا الضايع
أنا الميت
نسيت نبضى وإحساسى
ولا لقمة بطعم اليتم
أو هدمة
ولا حيطة
عشان أسند وجع ضهرى
وأرمى حمولى عن قلبى وعن راسى
لقيت فى بلادى تشريدى
وصار الجهل كراسى
أبلّع لقمتى الناشفة
أغمسها
بملح الخوف
أنين الجوف
وموت أهلى
ودمعى ع الخدود ماسى
لو انسيتم
فى يوم ظلمى
وعهد الله أنا فاكره
ومش ناسى
أحمد السلامونى

وتحمينى