قالوا لي :

أمسكي وهذا الورق ورينا وأبدعي

وش أقول

وشنو اللي في بالهم ويبون يوصلون

والا بأحساسي بيضحكون

والا فكرهم وفراغه وقتهم وودهم يلعبون

قلت لنفسي وجلست اناظر انا وشمسي

وبين كلمه أي ونعم فكيت نفسي

وتذكرت أمسي

وبلحظه مسكت ورقه جرحي

وكتبتها بدمي

وبدمعه نزلت حطمت كلي

وقلبي نزف جروحه على ورق فوق سطوحه

وجلسوا يناظرون

فيني وش حصل بلوني يتسامرون

اختلفت علي الاوزان

وصار عقلي بين وين كنا

وين رحنا

وين راحت الألوان

أنقلب جوي برق ورعود

ومطر دموعي زهر في الارض ورود

ولخاطر اللي خان

وحب غيري وترك انسان ولهان

قلت القصايد

والسكوت في كلامي محايد

وردوا وقالوا :

أبدعي

وقلت :

ماصففت الحكي

ولا خليت جروحي تشتكي

أنا عزه النفس فيني دايم تحتفي

ومهما كتبت القصايد ترى فيني تعتلي

انا أسمي يشرف حضوري

والناس فيني تكتفي

ماهمني لو الكون

كان عندي في سكون

والأشعار من حولي تحول ولحن متقون

ماهو قصه قلم ورق

وأبدع كلام

الحكايه أصلها أحساس

وشخص فنان

يحرك الاحساس من حوله ويحرك الناس

خلوني لحالي

ماأبي لعبكم

وقتي مايسمح لي أضيع وقتي بفراغه وقتكم

___________________

عذب الحروف