عزيزتي جنى لو أملك نصف ما تملكي من رؤيه وخيال خصب ولغه بديعه معبره تنسل للقلب لأمطرت الدنيا فرحاً وسرواً …. كلماتك أبلغ وأعمق وأرق من ان يتكلم عنها شخص مثلي ولا حتى أي كان …. وإذا كانت مصر أم الدنيا فلهجتها هي لغه الدنيا الحقيقيه وقلوب أبناءها هو النبض الذي يمد الكون بالحياه ………..
أخوك صهيل الجهات
اتمنى أن يصل ما كتبت بالعاميه المصريه الى إحساسكم،،،
زي النهارده من سنين
… كنتي معايا في دنيتي
زي النهارده من سنين
… كان جوه قلبي فرحتي
وجيتلك بسرعه من بعيد
… خافيه ورايا هديتي
بصتلي عنيكي بالحنين
… ونطقلي قلبك دقلي
قالي ياحلوه خافيه أيه
… سيبك ده انتي ضحكتي
قلت قولي عاوزه أيه
… شاوري ياستي أأمري
قالت لي نفسي أشوفك يوم كبيره
… والترحه أعلى جبهتك
وبقيت أحلم من يوميها
… امتى احقق رغبتك
وعدت سنين وراها سنين
… وجت نهايه دنيتك
ولما صرت في يوم كبيره
… قلت ياريت تكوني حاسه بيا
قلت ليه يا عمر ماجيتش بدري
… كنتي يا فرحه تبقي ليا
زي النهارده من سنين
… كنتي معايا في دنيتي
زي النهارده من سنين
… كان جوه قلبي فرحتي
وعدت سنين وراها سنين
… ووصلت قلب محطتي
وجات لي بنتي من بعيد
… خافيا وراها هديتي
قلتلها سيبك خافيه أيه
… ده أنتي يا حلوه ضحكتي
ولما قالت لي عاوزه أيه
… شاوري يا ستي أأمري
قلت نفسي اشوفك يوم كبيره
… والترحه أعلى جبهتك
بس يا رب أكون يوميها
… لسه مش بره دنيتك ،،،
وتمضي الأعوام تتعاقب وتتعاقب بها الأماني … ربما لن تتكرر الأحداث … ولكن الأحلام مكرره ،،،
" جنى "
الأخت الفاضلة جنى
جميلة محزنة معبرة قصيدتك
و صورة أخرى من جانب آخر للكتابة بصوت آخر
( كل مرة لما أوعدك
التأيك توعد و تخلف
و لما أأبلك
و أقي أعتبك
ألتأيك تسبأ
و تحلف إن ده كان غصب عنك
كل مرة )
<--- سيد مكاوي
و تظل اللهجة المصرية هي اللهجة الأم للوطن العربي
و تظل تعيش
في أغانينا
في أفلامنا
في أحزاننا
في أفراحنا
في تاريخنا
في نصرنا و هزيمتنا
في عبدالناصر
في أم كلثوم
في نجيب محفوظ
في فاروق جويدة
في كل حبة قمح
و بياض قطن
في كل حرف
في كل صورة
في النيل و مرسى مطروح
في الإسماعلية و السد العالي
في عرق الفلاح بالدلتا
في زغرودة زواج في الحلمية
في الأزهر و عين شمس
في روح جندي أستشهد على القناة
في علم أستاذ يطوف بكل مكان
في جريدة الأهرام
في مجلة روز اليوسف
في .... و في ..... و في ..... و في
في كل مكان
تحية لمصر و لشعبها الطيب الصابر
و الفاتحة لروح الشهداء الذين أستشهدوا
في
1948
1956
1967
حرب الإستنزاف
1973
و ... عظيمة يا مصر
عفواً أختي الفاضلة جنى
إن جنحت عن الموضوع
و لكن
شكراً لمنحى هذه الفرصة في التعبير و رد الجميل ولو بالقليل
تحية طيبة
و في حفظ الله
1100
24
1 Guest(s)