لكم مني كل التحية…انا شاعر غنائي مبتدئ ..سامحوني…اول مشاركة…ومتعبكم..هالقصيدة رح اعرضها على عدة فنانين وانشالله تتغنى ولو جزء منها..اتمنى انها تنال اعجابكم..اسف على طول القصيدة ..لانها من قلبي..لكم مني كل التحية..اترككم مع ..
تـٍَـذْكـر….
وشلون ما تذكر…
ارجع معي بايامك…
يوم اطلب امامك…
ترجع وانت خايني…
وانا راضي بإذلالك…
..
رفعت راسي ارتجي عيونك..
تدمع ويصحى ضميرك..
لقيت نفسي سارح بجفونك..
انتظرها تشيل دمعة لأسيرك..
..
وما تحرك فيك ساكن..
وفوق هذا ابتسمت..
انا كنت احبك ولكن…
في ضحكتك انصدمت .. cr:
…
انت ترضى لدموعي تسيل…
حسبي الله ونعم الوكيل..
تذكر..
مو غريبة تنسى هاليوم الغريب
اللي اكتشفت فيه شي عجيب..
اللي كنت اعدّه انا حبيب…
به ما لقيت ذرة طيب…
وشلون استدر الطيب..
دام القسى منك قريب..
حيل حيل حيل قريب…
تذكر..
انت تخون..
وانا اصون..
ذليتني..
قتلك تمون..
..تذكر..
تذكر ولا اذكـّرك..
تجرح وانا اعذرك..
والاه اكتمها بصدري..
خوفي منها اخسرك..
كنت ابكي منك..
باليوم الف مرة..
وانت لاهي..
ولا تحس بمضرة..
مسرع ..
مسرع تغيّر شعورك..
هذا لو عندك شعور..
اشكان بهالحب دورك؟
كيف هالدنيا تدور..
وين المشاعر فيك؟
لو صخر يصرخ ابيك..
تذكر..
كنت انا اتوقعك كلش برئ..
علي طيب ودايم حنون..
واذا انت على ربك جرئ..
وشلون على خلقه تكون..؟
كنت ادعيلك في كل صلاة
كنت اغليك ومواي غلات
وكل المبادي والخلق والصفات..
عليها ربّيك وتزيدك حلات..
تذكر..
تعال كلمني بصراحة..
من فينا تنزف جراحه..
من كان يخطي ويكابر..
ويرد بكل وقاحة…
مو ناقص الا تقول
ان انا اللي جرحتك..
ضدي السيف مسلول..
وتدعي اني ذبحتك..؟
ترا من صجي اتكلم..
عندك قلب يتألم..
ينبض ويحس ويحب؟
ولاّ بعده ما اتعلم…
انا هالحين مابي شي منك
بس ابي اذكرك بشي بعدين
لو لقيت شخص بسنك
يحب مثلي ترا زين..
تذكر ..
ابيك بس اتذكّر..
منهو فينا تنكّر..
ومنهو انجرح وقال..
عليك الله واكبر..
علمتني الدنيا مافي حق يضيع
ولو هالزمن راح ولف ودار..
كثر ما كان ظلمك شنيع..
بحوشك اضعاف ما فيني صار..
وخلي هالشي في بالك..
وبتجي يوم تذكرني…
مافي احد بيبقالك…
وكثير كثير بتفقدني..
ورح تذكر..cr:
قصيدة غنائية جميلة
و أسمح لي اذكر اللي أعجبني منها
ما تحرك فيك ساكن..
وفوق هذا ابتسمت..
انا كنت احبك ولكن…<---- ( كنت أحبك أنا لكن )
في ضحكتك انصدمت ..
***
..تذكر..
تذكر ولا اذكـّرك..
تجرح وانا اعذرك..
والاه اكتمها بصدري..
خوفي منها اخسرك
***
تذكر..
تعال كلمني بصراحة..
من فينا تنزف جراحه..
من كان يخطي ويكابر..
ويرد بكل وقاحة... <--- ( و ينام بكل راحه )
***
مو ناقص الا تقول
ان انا اللي جرحتك..<---- ( أني اللي جرحتك )
ضدي السيف مسلول..
وتدعي اني ذبحتك..؟
***
تذكر ..
ابيك بس اتذكّر..
منهو فينا تنكّر..
ومنهو انجرح وقال..
عليك الله واكبر..
-----
أرحب فيك معنا
و
عذرا على المداخلة
و تحياتي لك
أهلا أخي الكريم
———————-
كلماتك جميلة رغم طولها
اذا بتسمحلي..
انت ترضى لدموعي تسيل…
حسبي الله ونعم الوكيل..
مو حلوة تدعي على حبيبك;)
ممكن اذا بدلت الشطر التاني يكون الوضع افضل
تذكر..
كنت انا اتوقعك كلش برئ..
علي طيب ودايم حنون..
واذا انت على ربك جرئ..
وشلون على خلقه تكون..؟
لا ارى أن القلب يطيق محبة من يجتريء على الله
ستخبرني انها اغنية لا غير
سأقول اللحن يعكس ثقافة الإنسان وفكره
وما يعتقده من مباديء
ربما يكون الوضع أفضل إن غيرت هذا المعنى!!!
————–
..تذكر..
تذكر ولا اذكـّرك..
تجرح وانا اعذرك..
والاه اكتمها بصدري..
خوفي منها اخسرك..
كنت ابكي منك..
باليوم الف مرة..
وانت لاهي..
ولا تحس بمضرة..
مسرع ..
مسرع تغيّر شعورك..
هذا لو عندك شعور..
اشكان بهالحب دورك؟
كيف هالدنيا تدور..
أعجبني التصوير في الكلمات أعلاه
وأتمنى لك التوفيق في كل أعمالك
زينة
moon:
ردود: زينة , الفيصل
الزميلة زينة….لكي مني كل التحية والشكر الجزيل على تعليقك على قصيدة ( تذكر) …ولكي مني خالص الامتنان لنقدك البناء… وانا اتقبله بكل سرور..
لكن اود لو اوضح الاتي..
قلت في مجمل حديثك لو انني اغير في مقطع..( ولو انت على ربك جرئ) فانا هنا لا اجترأ على الله ..حاشى لله ..بل انني اوضح وابين مدى عصيان ذلك الشخص لربه بفعل اخطاء كثيرة كالخيانة..والقسوة ..والكذب…فقلت ان كان هو يجترأ على الله …فكيف سيكون على عباده ؟ ! وذلك ايضاحا على مدى وقاحة ذلك الشخص..
ولكي مني كل تحية وتقدير اختي العزيزة..
وبالنسبة لدعوتي على حبيبتي….اختي الكريمة هناك اشخاص نعتبرهم احباء ولكن سرعان ما نكتشف انه لا يستحقون المكان الذي وضعناهم فيه..ولا تنسي اختي الكريمة ان اقوى الجروح هو من اقرب الناس…ونوال قالت..( من قهر قلب ذبحته في ايديك ودي اصرخ وادعي من قلبي عليك )
وانا لم ادعي عليها ولكنني احتسبت ذلك عند الله بقولي حسبي الله ونعم الوكيل …فلقد وكلت الله عز وجل ومن لي غيره اوكله في اشد المواقف..
كل الشكر..
الزميل والاخ العزيز الفيصل…
كم اود شكرك على تلك الايضاحات التي سأخذ بعضها بعين الاعتبار..
لك مني خالص الشكر والتقدير ..
ولكن..
في حديثك عن تعديل
تعال كلمني بصراحة
من فينا تنزف جراحه
من كان يخطي ويكابر
ويرد بكل وقاحة
فانت بتعديلك غيرت مضمون الشاعر..
ومضمون البيت…
وبيت القصيد هنا يشير الى مدى مكابرة ذلك الشخص فهو يخطئ ويرد بكل وقاحة ..ولكن اذا وضعنا انه ينام بكل راحة فذلك ارحم من ان يكابر..
لكنني اقصد انه فوق شينه قوات عينه
🙂
كل الشكر اخي العزيز
أشكر لك تقبلك ملاحظاتي البسيطة بكل طيبة خاطر
بالنسبة لكلمة ( وقاحة )
اشوف إنها نابية أو قوية حبتين
صعب أحد يقولها الا بقصيدة هجاء <----:) لكن في قصائد الحب و الوجدانيات يكون إختيار كلمات أخف خصوصا بأغنية تكون صعبة شوي و أنا حاولت فقط إني استبدل هالكلمة بكلمة أرق تحياتي لك و تمنياتي إني اشوف اسمك على شريط كاسيت : كلمات : مكسور الخاطر الحان و غناء : محمد عبده في حفظ الله يالطيب
415
11
1 Guest(s)