الهم والإنسان|إبحار قلم والقبطان حُلم|منتديات إبحار بلا مركب|إبحار بلا مركب

أحببت أن اكتب لكم هاذه القصيده واتمنى ان تحوز على أعجباكم

القصيده بعنوان الهم والإنسان

حبيبي الهم وينك أمس دورتك عجزت القاك***** فاتك نص عمرك أمش اسرع بأحكي لك

بأحكي لك حكاية بس لا تزعل على مضناك***** ماهو بيدي غصب عني وش أسوي واسوي لك

تعال أدخل بصدري بيتك الي ما يبي فرقاك ***** تقهوا الدم وان مليت لا تغسل فناجيلك

أنا البارح نطرتك وعادتي كل ليله أستناك ***** وأن ما جيتني يالهم صدقني بأجي لك

فجأه زارني أنسان يمشي عكس درب خطاك ***** خذاني في جناح اليل ليله ماهوب ليلك

الا يا حلوها الدنيا اذا صارت مع هـــذاك***** يجيك الحظ وكفوف الزمن تشعل قناديلك

نسينا الحزن نسيناك يالهم ما جبنا أبد طرياك***** وسبحنا ببحور الود وقطعنا مراسيلك

تقاسمنا القمر ونجوم في وسط السما وافلاك ***** يقسم بالكواكب حر هاذي لي وهاذي لك

طعن سود اليالي ودمر جرحي الفتاك ***** زرع في عيوني الجنه وقال يالوليد ان طحت باشيلك

نثر في عيوني ورده نثر وروده عقب الاشواك ***** وحفر لي قبر بعيونه وقال أدفن يالوليد ادفن غرابيلك

فجأه هلت دموعه قلت له وش جاك ***** عسى ماشر وراك تمسح دموعك بمنديلك

قال أنت تحب الهم قبلي قلت له وش دراك ***** قال يبان بعيونك ولو تخفي باقاويلك

من رخصتك بأمشي طالت سهرتي وياك ***** وخلك مع حبيبك الهم دام أنه وافي وصافي لك

وودعته وقلت أمنتك الي جابك ووداك ***** أنا حظي واعرفه زين ما يحتاج ارويلك

ورجعت لك حبيبي الهم الله جاب لي ذكراك ***** تذكرتك ويوم اني ذكرتك قلت أأأأأه يا حليلك

أنا اسف حبيبي تناسيتك وانا مأنساك *****أنت لي وانا لك مهما حصل بأرجع أناديلك

أصلا قالها راعي المثل صاحبك من بكاك ****** وانت عادتك يالهم دايم تعذبني وانا ابكي لك

كتبت لك قصايد وانت مولها يا زين غناك ***** وأن أنبح صوتك مستعد أكتب واغني لك

كتبتك ثم قريتك ثم كتبتك ومستعد أقراك ******أنا ما خنت عشرتنا يالهم وان خنت أنت يا ويلك

حبيبي الهم باقولك حاجه أنا أكرهـك ما أبغاك*****بس وش اسوي دام أن الله كتبني لك

وسلااااااااااااااامتكم

أكيد أعجبتك يا عذب الحروف ولا مجامله ؟؟؟؟؟

لأني اكره المجاملات واحب الحقيقه حتى لو كانت الحقيقه على حساب حياتي

وشكرا على ردك

وانشالله أزودكم بالقصايد بس هاذي القصيده هي المقربه إلا قلبي

وابشري من عيوني

شكرا الف شكر rose

ممكن ما تسوين القصيده هاذي بطاقه لأنه ما أظن أنه هاذي القصيده بتصلح بطاقه

عندي قصيده اعطيها لك تصلح بطاقه ومن أروع ما يكون

واسف أذا رديتك بس القصيده هاذي كأنه واحد من عيالي

والله يا غاده هذا القلب وهذا احساسه واهم شي ان القصيده اعجبتك

لا تستغربين انه فيه أنسان يشكي همومه لهمومه لأنه مافيه احد بهالدنيا يقدر يستحملك اكثر من ان الهم فهو الي يعذبك وانت الي تشكي له

وعلى العموم الف شكر لك يا غاده واذا كان عندك أنتقاد انتقدي لأني من اشد المعجبين بالمنتقدين بالنقد البناء

واعيد شكري وتقديري لك

زينه أسمك خطير لو بقى فيه حرفين *****دهيتي خافق العاذل وكل حاسد تذلينه

زينه حكاية الف يوم ويوم لخصتك انا بسطرين ******دهيتي من قرا سطرك وضيعتي عناوينه

زينه صباح النور والجنه صباح أحلا ثمار التيـــن*****مساء الريحان والكادي مساي الي تمسينه

هذا هو ردي على كتابتتك لي