@ الحزن والألم @|إبحار قلم والقبطان حُلم|منتديات إبحار بلا مركب|إبحار بلا مركب

@ الحزن والألم @

——————————————————————————–

الحجر بيبكى والليل أصبح نهار
وصفارات الخطر بتشق الف جدار
والجزارين قادرين يمحوا ابتسامة طفل
ماتت أمه ومين حياخد لها بالتار
*****
كل الشعب ضايع فى زحمة الحروب
مرسوم الحزن دمعة فى ليل نهاره غروب
صرخة ألم بتدوى !! ياعالم الحقونى
مسجونة ياكلمة حق والقلم مضروب
*****
اولادنا هناك بتصرخ من الالم والنار
مدوا الايد فى الايد ازرعوا ثوار
الحكاية حكاية جد والدور علينا
امّا نموت من الخوف ** وامّا نعيش احرار