انتي الحلم
**********
انتظرتك .. عمري كله .. وانتي حلم
ومرت الايام والله .. وانتي حلم..
ليه تأخرتي علي ..
توهي مره واسالي ..
كوني في غير الزمان .. والا في غير المكان
كوني عمري .. عمري كله..
اللي باقي .. واللي كان..
انتظرتك عمري كله .. وانتي حلم ..
كل نجمه شعشعت والقلب عتمه .. كانت انتي ..
كل حرفٍ حرك شفاهي بكلمه .. عنك انتي ..
وكل حبي اللي مضى والحب قسمه .. منك انتي ..
كانوا الاحباب ظلك .. بعض احساسك ونورك ..
ما عرفتك يوم كلك .. ياللي في غيابك حضورك ..
انتظرتك عمري كله .. وانتي حلم ..
هذا إنتي .. قولي والله إنه إنتي ..
وين غبتي ؟! .. عني هذا الوقت كله ..
وين كنتي ؟! ..
شيبت عيني طيوفك .. وما أصدق إني أشوفك ..
ياللي قلبي في كفوفك .. نقش حنا ..
وفي جديلك عطر ورد ..
آتمنى .. لو تكوني في فراغ اعيوني وعنى
وفي سموم ضلوعي برد ..
ليه تأخرتي علي ..
وما طرى لك تسألي ..
ليه نأخرتي علي .. وما طرى لك تسألي ..
إنتظرتك عمري كله عمري كله .. وانتي حلم
******************************
للشاعر بدر عبد المحسن
هلا بمرورك أخي ياقوت ..ويا ليتك تشارك معنا ..
((ابـعـتـذر….))
**********
ابـعـتـذر عــن كــل شــئ
إلا الـهـوى ماللهوى عـنـدى عـذر
ابــعـتـذر عـــن أي شـــي
إلا الـجـراح مـاللجراح إلا الـصبر
إن ضـايـقك انـى عـلى بـابك أكـر
ليلة ألم واني على دربك مشيت عمري وأنا
قـــلـــبــي الــــقـــدم
ابـعـتذر ابـعـتذر .كـلـي نـدم
عــن كــل شــئ إلا الـهـوى
ماللهوى عـــنــدي عـــــذر
اتـصـدقي .مـاخـترت أنـا أحـبك
مــا احــد يـحـب الـلـي يـبـي
سـكـنـتي جــروحـي غــصـب
يــاحــبــي الــمـر الـعـذب
لــيـت الـهـوى وانـتـى كــذب
كـــان اعـتـذر لك عــن هــواى
ومــا أقـول أنــا كـونـي مـعـاي
ان ضـايـقك انـى عـلى بـابك امـر
لـــيـــلـــه ألــــــــم
وانـى عـلى دربـك مشيت عمري وأنا
قـــلـــبــي الــــقـــدم
ابـعـتذر ابـعـتذر كـلـي نـدم
عــن كــل شــئ إلا الـهـوى
ماللهوى عـــنـــدي عـــــذر
الله كــريـم حــبـك يــكـون
هــــمــــي الـــقــديــم
وجــــرحـــي الــقــديــم
والله عـلـيم يــا أحـلي الـعيون
ان الــفـراق جـــزا الـفـراق
ابـوعـدك كـان الـطريق بـيبعدك
بـــامــشــي بــطــريــق
وكـــان الـحـجـود بـيـسـعدك
مــــالــــي رفــــيـــق
ابـجـمع اوراق الـسـنين وأودعـك
كـان الـفراق الـلي تـبين
الله مـعك
***************
–بدر بن عبد المحسن–
دنيا اعجبني موضوعك واعجبتني القصائد الي تختارينها
ومشاركتي هذي عن قصيده تعني لي الشي الكثير وهي للشاعر بدر بن عبد المحسن
لاإانتي وردة .. ولا قلبي مزهرية من خزف
صدفه وحده جمعتنّا .. شوفي وشلون الصدف
التقينا في مدينه .. وفرقتنا الف ميناء
اغفري للريح .. والموج .. والسفينة
كانت الرحلة حزينة .. للاسف
كنت أحلم لما ناديتك بسافر
مع عيونك في شعاع الفجر باكر
والله اعلم إني صادق
كنت أحلم إني عاشق
لاأخاف ولا أضيع .. ولاأفارق
ويش اقول غير إني آسف ويش اقول
انا خانتني العواصف والفصول
آه .. ياتعب المسافر
في أراضي الجرح و في بحر المحاجر
مالهذا الحزن آخر .. او لهذا الجرح آخر
ياشمسي الأخيرة .. في اللحظة الأخيرة
أنا .. لي كلمة أخيرة
إغفري لي إبتسامي .. قبل جرحي
حاولي تنسي كلامي .. قبل صمتي
ولو زعلتي .. ياأعز الناس إنتي
**سألتها**
سألتها ليه البحر ساكن عيونك
جاوبتني للغرق
سألتها ليه السواد اللي في عيونك
قالت للأرق
سألتها ليه الخدود
قالت عبق
سألتها هي رقتك مثل النسايم و الورود
قالت لي لأ يمكن أرق
سألتها عن حسنها كنه يقول ماللشعر فيني حدود
قالت صدق
سألتها يا اغلى الأنام .. وشو الغرام ؟؟
قالت لي انك ما تنام .. و أوهام
و تنتظر شمس اللقا و ما تجي شمس اللقا
ومشوار ما يعرف وصول
و لحظه بها كل الفصول
و قلب واحد يحترق
و بعض الصدق
و وقت عصيب و يتبعه وقت عصيب
و لين يتعدى الصباح
و جراح تدمى لو تطيب
و في الأخير .. خل عن خل افترق
و في الأخير كل النهايات الفراق
ما في فرص
مافي نهايات بلقا إلا في خيالات القصص
سألتها وش هو الوفا ؟؟
قالت كفى .. النور من ضيي اختفى
و الليل في عيوني غفى
اترك كثير الأسئله .. اسأل عن عيوني و كفى
اسألني ليه البحر ساكن عيونك ؟؟
ليه السواد اللي في عيونك ؟؟
سألتها جاوبتني للغرق .. للأرق
سألتا عن حسنها كنه يقول
ماللألم فيني حدود
قالت صدق
**************
عبد الرحمن بن مساعد
عيونك آخر آمالي وليلي اطول من اليم
كيف ألقى كلامٍ عذب يوصف دافياiحساسي
عشقتك قبل ما اشوفك وشفتك صرت كلي iiحلم
ابي رمشك يغطيني وابيك اقرب من انفاسي
يهمك تعرفي انك قتلتي في سنيني الهم
قتلني ضحكك وجدك قتلني لينك القاسي
رميت اقداري في دربك وصرتي في عروقي الدم
احبك كثر ماسالت دموع وما نسى ناسي
يجول الحزن في ضلوعي بردت وذاب فيني العظم
و يا كثر الحطب حولي وعندك انكسر فاسي
سألتك بالذي زانك تحبي فيني حتى الظلم
تحبي عيوبي وغدري تحبي المر في كاسي
انا من كثر ما احبك ابيك كثر رمل اليم
وابيك فوق الناس وابي ماينحني راسي
طبعا الشاعر معروف وهو عبدالرحمن بن مساعد
موضوع ترددت في طرحه , بسبب عدم إلمامي بشكل كبير وإطلاعي
على الشعر والشعراء في منطقة الخليج …
ربما لصعوبة فهمي لبعض المفردات واختلاف اللهجات …
لكن هذا لا يمنع بأنني قرأت أشعار في منتهى الروعة ..
وأحببت قصائدهم ..إذ أنني أحسستها قريبة من النفس عفوية , صادقة
لذلك خصصت هذا الموضوع وبمشاركة الأعضاء الكرام ,ومساهمتهم
للتعريف ونقل أجمل القصائد الشعرية ..
وأروع ما خطه شعراء الخليج من أشعار..لنضيفها لحديقتنا الأدبية الجميلة
ويسعدني لو كان هناك أي إضافة أو شرح يزيد من معرفتنا
بانتظار مشاركاتكم
لكم فائق التقدير والاحترام
دنياrose
قالت من انت
************
قــالت مــن انــت ؟ وقــلــت مجمــوعة انــســان
مـــن كـــل ضـــد و ضــــد تـلقـيــن فـينـي
فــيـنـي نــهـــار ولــيــل وافـــراح و احــزان
اضـــحــك ودمـــعــي حـــايـر وســط عينــي
وفــيــنـي بــداية وقـت و نــهـــا ية ازمـــــان
اشــــتاق بــاكــــر واعــطـــي امســي حنيـني
واســقـي قــلوب الــناس عــشــــقٍ وظــمـيـان
واهـــدي حـــيارى الــدرب واحـــتـار ويــــنـي
واحـــاوم صـــقور الــهـــوا حـــوم نشــــوان
واســـيــل الــوديـــــان دمــــــع حــزيـنِ
فــي عــيـني الـيمنــى مـن الورد بــســــتـــان
وفــــي عيـــنــي الــيــســرا عـجـاج الـسـنينِ
تــهــزمنــي الـنجــلا وانــا نــد فـــرســـان
واخـــفـــي طــعونــي والـمحــبــه تــبـيــنِ
امـــا عــرفتــيني فـــلا نــــي بـــزعـــلان
حتـــى انــا تــرانـــي احـــــتـرت فـــــني
للشاعر الكبير خالد الفيصل
هذه قصيدة ذات مفردة سهلة
و تفعيلة … نثرية …حديثة
تقول :
لا ما رحلت
مدام أنا بداخلك
لا ما رحلت
و الجرح مني صايبك
لا ما رحلت
و الشوق بيدك حابسه
خايف ما اعود
بس منتظر
يا قلبك القاسي و له
و على فكرة حبيبي
توي دريت
إني احبك
يا الحاضر الغايب
يا المؤمن التايب
تقاسمنا العنا
يكفي
أرجع و لك مني كل الغلا
ما عاد فيك تجرحني
و لا حتى انا أجرحك
ما عادفيك تسهرني
ولا حتى انا اسهرك
ما ني على خبرك
ذاك الحبيب الوفي
أنا غير
أصبحت انا غير
——
قائل هذه السطور ربما لا أعرفه
اختيار جميل لقصيدة من روائع الشاعر بدر عبد المحسن ..
شكرا ياقوت لمتابعتك ومتواصلك الذي أسعدني ..لك أجمل تحية ..
*******************
سألني من
أحب أكثر
ومن في صوته
أتأثر؟
ومن هو .. فارس احلامي ؟
ولمين اتعذب واسهر؟
بغيت اجاوب عيونه
واقول بكل صراحة
وحب
اني فيه .. "مفتونة"
وانه ساكن اهدابي
وأول وآخر احبابي
صرخ بي
قال: لي .. قولي
كفاية لعب باعصابي
سرحت
وقلت له.. تصّور
اهو اسمه مثل اسمك
ورسمه يشبه لرسمك
وله نفس ابتساماتك
ونظرة عينه مثلاتك
لأني كلما طالعتك
اهيم
بليل نظراتك
وتقريبا مثل طولك!
وصوته
فيه من صوتك!
يداعب مسمعي
وارحل
في دنيا مالها آخر
ويستعمل نفس عطرك!
والمسباح والساعة!
وسئلته
في خجل ظاهر
عرفت الحين؟
وصار يتلعثم المسكين
وقال لي:
للأسف لحظة
تخيلت اني المقصود
بس اليوم
بالصدفة
غيرت العطر
وحطيت
بداله اليوم
دهن العود؟!!
——-
صدى الحرمان -شاعرة قطرية
هذه من قصائد البدر الجديده والتي تعبر عن صدق العاطفه للبدر
عذبيه.. إسعديه..
داوي قلبي واجرحيه ..
واللي ما مثله ابد .. مثلي ما حبك احد
ولو رضي قلبي بغيرك..
ما أبيه .. ما أبيه
تملكيني لوبـ غيتي .. تملكيني لو رفضتي
تسحريني لو حكيتي .. تسحريني لو سكتي
أنا نجمه في مدار ك ..
ضي عيني من نهارك ..
وانتي قلبي واللي فيه
لو رضي قلبي بغيرك ما أبيه..
انتي اغلى من هجرني .. وانتي اجمل من يغيب ..
والله لو بعدك قهرني .. ما أبي غيرك حبيب ..
سافري والقلب دارك ..
راضي بـ ثلجك ونارك ..
حبي قلبي واكرهيه ..
لو رضي قلبي بغيرك.. ما أبيه
أنا أحبك لا تخافي .. الا قلبك لو هواني ..
هذا ضعفي واعترافي .. بس ما ارضى هواني ..
ابعدي هذا قرارك …
ماني سجنك أو حصارك …
روحي سوِّى اللي تبيه …
لو رضي قلبي بغيرك .. ما أبيه
واللي ما مثله أبد .. مثلي ماحبك احد
هذه قصيده جميله شدتني ولم ابخل بها عليكم وارجو ان تنال اسنحسانكم
حد علمي
حامد زيد
حد علمي بالغلا يوم كنت أسوى iiكثير ii
يوم كانت ضحكتي طبع وعنادي iiسمه
وحد علمي بالغلا يوم خفاقي iiضرير ii
قبل أهدم العشق وأبنيه وأرجع iiوهدمه
وحد علمي بالبكاء يوم لي قلب وضمير ii
قبل أشوف المسلم يموت بيد iiالمسلمه
إيه عدّت من يدي بس ماعدّت بخير ii
ليلةٍ عيّت تجيني وجتني iiمظلمه
من عرفت إحساسها كن في قلبي iiنذير ii
والنهار المكتئب باين ٍ من iiمقدمه
ليلةٍ حسيتها لاتجور iiولاتجير ii
مثل طفل ٍ ماحقرته وعيّت iiإحشمه
وأصبحت مثل شعره وأقصمت ظهر البعير ii
وأبتدى في موته الجرح من حيث iiإختمه
صارلي بالعشق مالا هقيت أنه iiيصير ii
أنظلمت بعشرت أنسان ماكنت iiإظلمه
العشير اللي تبرى من ضلوع iiالعشير ii
الحلا عزّز خطاياه والحظ iiإخدمه
لاتبسّم يكسر النور بعيون iiالبصير ii
وكن شمس المغربيه تبات iiإبمبسمه
معتدل في قامته لاطويل ولا iiقصير ii
ممتلي بالزين من معصمه لي iiمعصمه
فيه بلوان الهدب لون غير ولون غير ii
مثل ما للرمش بالعين قصه iiمبهمه
كنها نكس البيارق على شط وغدير ii
ومثل لملمت الشتات بشتات iiاللملمه
مع سواد مجدّل ٍ مايثور إلا يثير ii
كنه اللي ينهم الريح ثم ٍ iiتنهمه
ماتجمع لين قيّد حرير ٍ مع حرير ii
في ضلام ٍ علّم الليل مالم يعلمه
ماهقيت إن الهدب صلف وأجفانه iiتغير ii
لين سلهم لعنبوا جد ذيك iiالسلّهمه
ماعتقني لين ساق البشاير iiللبشير ii
يوم صد وجاه قلبي بشحمه iiولحمه
والله إنه حط قلبي تحت رحمت iiشطير ii
في يديه وكل ماراد يقسمه iiقسمه
ياعساني ماعدم إرضاه في برد iiوهجير ii
ولوعدمت مروّته ياعساني iiمعدمه
إن طلب عيني رضا قلت ماغيره iiنظير ii
وأنشرب دمي غضب قلت يستاهل iiفمه
واهنيّه يرقد الليل مرقاد الغرير ii
كن نومه لابغى يهزم الجفن iiإهزمه
وإلنا من صفرة عصير الى صفرة iiعصير ii
والسّهر يايلزم العين وإلا تلزمه
لو صحيح إن الحبيبين يجمعه iiمصير ii
كان نفس اللي حرمني من النوم iiإحرمه
والله إن مروّتي ولّعت فيني iiسعير ii
يوم شفته تل قلبي وداسه iiبقدمه
مارحم زهرة شبابي وأنا توّي iiصغير ii
لين ضيّق خاطري ضيّق الله iiإنسمه
إيه عدّت من يدي بس ماعدّت بخير ii
ليلةٍ عيّت تجي بس جتني iiمضلمه
حد علمي في عناها عذاب iiوزمهرير ii
يوم قمت أوحي بالاضلاع صوت iiوهمهمه
وحد علمي بالرجا من نصير اليا iiنصير ii
يوم شفت النّفس تذبح وهي iiمستسلمه
وحد علمي بالبكا يوم لي قلب iiوضمير ii
قبل أشوف المسلم يموت بيد iiالمسلمه
أجمل الحزن
يا اجمل الحزن .. لدموعك سلام من حبيبٍ … بقى منه الكلام
وين انا منك .. غربني الزمان وخانني النور … وابعدني الظلام
لو بعزيك … سالت دمعتي تدري الدمع في حبك … حرام
لو بواسيك … مايكفي الهوى ولو أبي … عذر مايكفي الغرام
أعطنى من عذابك يا البعيد صرخةٍ … تجعل ظلوعي حطام
آه …لو في يدي أبكي معاك قطرةٍ مادرى عنها الغمام
ماابخل الوقت … يحرمني البكا وانت لجلك حرمني الإبتسام
يا اطهر الحزن … لو كان القصيد يكشف الغم عن بدر التمام
لكتب الشمس شعرٍ في سناك وامحي إمن السما…عج وكتام
ياعسي البدر نوره مايغيب …عن حبيبٍ بقي منه الكلام
************************************
للشاعر بدر عبد المحسن
قالوا ترى مالك امل في قربها لو يوم
ابعد وجنّب دربها .. هذا هو المقسوم
قلت اتركوني واسكتوا .. خلو العتب واللوم
قدني غرقت في بحرها .. ولاعاد يفيد العوم
قالوا ترى في حبها ويل .. وأسى .. و هموم
قلت ان قتلني حبها .. حسبي تقول مرحوم
قالوا انسى ذكرها .. منتب بها ملزوم
قلت ابشروا ياعذلين .. بنسى لذيذ النوم
قالوا بتلقى غيرها .. واترك هواها اليوم
قلت العفو ياحسدين .. ما ابدل قمر بنجوم
قالوا لغيرك حبها .. قلت الجواب مفهوم
دام انها متهنيه .. وشلون اصير محروم
بقضي الليالي انتظر .. صابر على المقسوم
متعلق بطرف الأمل .. يمكن يجيني نوم
قالوا ترى مالك امل .. في حبها لو يوم
ابعد وجنب دربها .. وهاذا هو المقسوم
اختي دنيا شكرا على قصيدة البدر الجميله الذي جملها في عيني اخيارك لها rose
أخي العزيز ياقوت …سعيدة بتواصلك ومشاركتك واختيارك ..
وقد اخترت اليوم قصيدة
تعبنا يا الحبيب
************
تعبنا يا الغرام اللي وعودك صرخة الحرمان
تعبنا يا الطريق اللي طواه فراق خلانه
عذابك يا القصايد مثل جرح في صدر مروان
طريقك يا الحبيب ابعد من الياقوت والدانه
تذكرني وعودك روض ميت هاجره بدوان
تذكرني نهايات الحياة وموت وديانه
تذكرني وعودك يوم صارت للجروح اخوان
اقول انك اخو همي بعد همي و وجدانه
فداك الدمعة الحمرا فداك المبسم الضميان
فداك اخر مشاويري بعد نجده وصمانه
فداك اللي تفاخر بالغرور إليا جرح انسان
وياليت الشجر يدري غرامك ثالث اغصانه
ترى بعض الحكي جبال ثقيله لونطقها لسان
تقول اشلون حالك وانت حال الحال واشجانه
على قولك وثالث جرح يدفن عبرة الحيران
وانا خوفي من الباقي ظلام اكره احضانه
واذا كان الرحيل اهون عليك ارحل بلا عنوان
ابرحل واترك اشواقي وقلبي ببعد اوطانه
تعبنا يا الحبيب ولا نفعنا خوة الحرمان
تعبنا يا الطريق اللي طواه فراق خلانه
*********
للشاعرة لمى
اختي دنيا ان تواصلي هو اعجاب بما تختارين من قصائد لها اثر في نفس قارئها
وانا اختار قصيده تعني لي الشي الكثير
اتمنى ان تحوز على رضاك
ما أظن الصبح .. يدري iiبالليالي وماأظن الليل يعنيه iiالصباح
و ما أظن في يوم قد زارك iiخيالي وماأظنك حاسبٍ عمري اللى iiراح
ياقديم الظلم ما فارقت iiبالي ومافي بالك لي سوى هم وجراح
لو همومي تسعدك .. زد لا iiتبالي ولو معي اخطيت اطلبك iiالسماح
تبعد دروبك اذا اقبل iiوصالي ولجلك دروبي يضيقبها iiالبراح
رغم بعد البعد جرحك هو iiظلالي كنك الرامي وفرقاك الرماح
يالغرام السجن والسجّان غالي والسجين يخاف إطلاق iiالسراح
لو هو في الأوراق قدر الغصن عالي بتاخذ الاوراق اقدار الرياح
للكسر غصنك وانا يمضيبي iiحالي ولضمى اورقي خلق ربي قراح
بسبقك للصبح مليت iiالليالي واتركك في ليل ناسيه iiالصباح
أخي العزيز ياقوت ..برغم صعوبة بعض المفردات الخليجية ..لكنها قريبة من نفسي ..وأحمد الله أن ما اختاره يحوز على إعجابك ..
وتواصلك يزيد من روعة الموضوع …وشكرا لإضافتك الجميلة
دمت بكل خير
دنيا
***********************
** يافرحة العمر **
اشتقت لك يا فرحة العمر وين انت *يا للي عيوني منك ينبع ضيــاها
لولاك بالغايه بدنياي .. مـا كنت *اشفق على ايامي يطول مداهــا
سرقتني مثل الكرى لي تمكنـت * من مهجةٍ مــا قبلك أحد غشاها
أشوف حسنٍ كل شئ تحـاسنت * لو به ذهاب النفس أشوفه مناهـا
ما خبر يوم في منامي تطـامنت *إلا أن بعثت الطيف لي في دجاها
أهين نفسي لك بمرضـاك لاهنت *واتبع هواك بعسرها عن هواهـا
رجلي تيامن غصب كانك تيامنت *وان خذت باليسرى تياسر اخطاها
كلٍ بعينه زين ويــــلا تبينت * كلٍ زهد في خلقته مـــا بغاها
لوفات لك تسعين بالعمر ما شنت * في عين نفسٍ علقت بك رجاهـا
آمنت بك في عـالم الحب آمنت * يا متلفٍ روح العنا يــا دواها
*********
عبدالله الفيصل
الاخت دنيا اشكر لك تواصلك ولازلتي تختارين الافضل بين القصائد النبطيه
ياصاحبي … لايسرى الليل بدري
خلك بوسط الدار … لاتجرح الليل
الليل توه وان تجليت … يسري
ولليل ناس … ماتمل التعاليل
خلك على تجريح الاحباب حذري
ماتدري ان الليل … ستر المواصيل
ياحبي اللي … بين عيني … وصدري
يافرحي الماضي …. وخوف المقابيل
الدم يجري في عروقي …. وتجري
انا الصحاري … وانت معشوقها السيل
يضيع في وصفك …. كلامي وشعري
اشبهك بالريم …. وواصفك بالخيل
للقلب عين …. وانت للعين مغري
يامحٌرح القمرا …. بسود مظاليل
سعود بن عبدالله
عادي….طاح الحطب…وانت الحطب
المشهد الاول
وحدة مزيونة بالحيل…….و حبيبة …
بس تخون!!!!
وش اسوي بجمالها؟؟
بياخذها الزمان و تبقى عجوز…..
عادي……..طاح الحطب………. و حلوة الحياة
المشهد الثاني
ملتزم ……
يصلي كل الفروض……..
و اذا تعب….. فوت صلاة الفجر
واذا شبع راحت صلاة العصر……
و عنده دش…….و يكذب كثير
و اذا صحى الصبح …..مشط اللحية
عادي……..طاح الحطب………. و حلوة الحياة
المشهد الثالث
غني و ظالم ………
يطرد المساكين……و يستغل الضعوف
مغرور و فاسق……
و مجلسه عامر…….
كلن يبهر له……..
و مع ذلك يجمع حسنات…….من كثر اللي يسبونه
عادي……..طاح الحطب………. و حلوة الحياة
المشهد الرابع
يكد يدرس و يشتغل………
لاجل يبني مستقبله…….
تزوج و جاب عيال……ثم تقاعد
صار يسكن في مكان…..و أم عياله في مكان
والسبب العيال……
صار دار المسنين بيتهم…………
عادي……..طاح الحطب………. و حلوة الحياة
المشهد الخامس
تغازل و تاخذ ارقام………..
و تطلع مع هذا…..و تواعد هذاك……..
و يوم طاح الفاس في الراس…….
بكت……..
و راحت تشكي لامها غدر الزمان…….
طبطبت عليها امها وقالت:
ولا يهمك …..سفرة لمصر…. وشوية سيولة
و ترجعين بنت……
عادي……..طاح الحطب………. و حلوة الحياة
المشهد السادس
مرفوع الكفن أبيض ……
وصاحبه وسط البياض………
بعضهم يبكي…….و بعضهم عادي
دفنوه…..و تبكبكوا شوي
و اخر الليل سكارى………
عادي……..طاح الحطب………. و حلوة الحياة
المشهد السابع
سيارة مسرعة……..
و تدعس لها واحد……..
مسكين هندي……….
و العسكري صديق الطايش…….
والخطا نصه على الهندي……
والباقي على أبو الطايش……….
و في الليل…..الطايش يلعب بلوت
عادي……..طاح الحطب………. و حلوة الحياة
المشهد الثامن
قارورة مويه ……
ما تضره …….طايحة في السيارة
يناظرها بغضب…….زعلان منها
و يفتح الشباك …..و رماها وسط الطريق
واذا اجتمع مع الشباب قال:
متى بنتحضر ؟؟؟؟؟؟
عادي … طاح الحطب … و حلوة الحياة
المشهد التاسع
اهم شي الثوب نظيف … و الشماغ مكوي …
و القلم ماركة …و الساعة تضوي …
و الجزمة جلد … و السيارة عجب ….
و تلفونه ما يسكت …
إما بنات …
أو البنوك تبي فلوسها …
عادي … طاح الحطب …. و حلوة الحياة
المشهد العاشر
سطحية … و مغرورة
غبية …. و متكبرة …. و يا ريتها حلوة
تبي زوج مواصفات …
ما يقول لا …. و يكره الاستراحات
لازم وسيم … و انيق … و متعلم … و دخله ممتاز
و يحب السفر
و بعد سنين … لاقي نفسها في الانترنت
تدور واحد يقبل بها
عادي … طاح الحطب … و حلوة الحياة
المشهد الحادي عشر
فتح الكمبيوتر
و دخل للمنتدى
و كلامه ما يتعدى ان الموضوع روعة و رهيب
و هو ما قراه و لا يعرف كاتبه
بس يبي يزيد المواضيع موضوع
ويزيد همومنا هم
علشان يصير صاحب الألف موضوع
و يتميز
والمشكلة انه يتميز
عادي طاح الحطب و حلوة الحياة
المشهد الأخير
الكذب اثم … ومع ذلك نستخدمه
و ندري ان هذا حرام … و مع ذلك نجربه
نتذكر السهرة و الفرح و السفر …
و ننسى الجالسين على كتوفنا …
و نتناسى ان معهم كتاب يسجل افعالنا و نياتنا …
كل شي محسوب …
حتى النظر …
نسينا ان ورانا يوم … علاماته قربت
ومع ذلك كلنا ناسين
أن بقيت على حالك تتناسى … لازم تعرف
إن ذاك اليوم مهوب عادي
وانت الحطب
و ما به حياة
–*–
عبدالرحمن بن مساعد
لـــــو نــســيــت
لو نسيت العمر مانسى دمعتـك* صرخة ذابت من عيونك دموع
ترتعش مرتاعة فـي وجنتـك * وانتفض قلبي لها بين الضلوع
أزعجت صمت الليالي عبرتـك * بالخفا ثورة وبالظاهر خشـوع
تسكب الدمعة وتظمى نظرتـك * مشهد النظرة وهي تظمى يروع
يا ضياع العمر ضيعة بسمتـك * ضاع معها خافق مثلك جزوع
ليت من يمتص لحظ جارحـك * والفرح يشعل دياجيرك شموع
*****************************************
للشاعر الكبير خالـد الفيصـل
415
9
1 Guest(s)