يعربيه


نسيتي يوم جيتي تحضينه .. كيف شالك
والهوى لفه معاك
نسيتي يوم كنتي تسمعيه .. وكانت ابياته
تفول شعره فداك
نسيتي يوم تعمدتي تجرحيه .. ويغفر الزله
ويسمح لك خطاك
نسيتي يوم تعمدتي تجرحيه .. ما قدر إلا
يتلحف من غطاك
نسيتي يوم فكرتي تسأليه .. قبل لاتنطق
شفاتك عطاك
نسيتي يوم قلتي ما أبيه .. قالت عروقه
والله أنه يباك ((أماراتي ))
نسيتي يوم عيتي تذرفيه .. جلس طول
لليله وحده وبكاك
نسيتي يوم كنتي تهدميه .. شيدك صرح
في قلبه وبناك
نسيتي يوم حاولتي تضيعيه .. لقى نفسه
يوم أنه لقاك
نسيتي دمعته يوم نجحتي !!
نسيتي بسمته يوم ضحكتي !
مانساك العمر لوكنتي نسيتي ..
يذكرك للقبر لو أنتي قسيتي ..
ياعشق باقي من زمان الجاهليه ..
ياكحل صافي بعيون البابليه ..
ياعيون الفجر في ورده نديه ..
ياقصيد القاف ينطق شاعريه ..
ياشرف ياطهر ياعفه وحميه ..
ياعطر غافي بأوراق المرمريه ..
يالسان الضاد أنتي يعربيه ..
ياحرف تايه بين الحروف الابجديه ..
يافنجال الصراحه والوفى لك زمزميه ..
أيه احبك وربي يشهد عليه ..
العجم قالت ياليتك سبيه ..
والعرب تحلف منتي بربريه ..
والغرب يقسم أنك أجنبيه ..
ماعرفت أنك ملمهة القلوب
ولويتوب الذنب عنك ما أتوب
أبسال العراف عنك والدروب
من شمال الطوق ولا من جنوب
أبسألك بالله هو وقتي غروب
أبسألك يازين شوقي مايروب
أبسألك هذي النهايه
هي نهايه أو بدايه
هي حكايا لصبايا ولا آيه أحلى آيه
فيها ربي بلاني
ولا قسوى من زماني
دنست كل المعاني
وأذبحت فيني حناني
للغرام هذا قصيدي
أكتبه لعيون سيدي
أن بغاني حر جيته
وأن جفاني جاته عبيدي
الكفن واللحد وأيدي
لاجل يفرح يوم عيده
وانكسر في يوم عيدي
—*—
الراشد

اترك تعليقاً

لن يتم نشر عنوان بريدك الإلكتروني.